Қазақстандық волейболшы Сабина Алтынбекова ұлды болды, - деп хабарлайды Tengrinews.kz тілшісі.
Продолжение
Бұл туралы спортшы Instagram-парақшасында жазды.
"Сені күткендей ешбір ер адамды күтпегенмін, ұлым. Махаббат пен қамқорлыққа толы отбасына қош келдің", - деп жазды Алтынбекова.
View this post on Instagram
Еске салайық, Сабина Алтынбекова былтыр тұрмысқа шыққан болатын.
"Осы жылды ең керемет ер адамның жары мәртебесінде аяқтаймын. 24:26", - деп жазған еді ол Instagram-дағы парақшасында.
Сабина Алтынбекова Қазақстанда ғана емес, Азияда да танымал волейболшылардың бірі. Оның Instagram-аккаунтына миллионнан аса адам жазылған. Ал биыл Сабина Алтынбекова әлемдегі ең әдемі 100 адам рейтингіне ұсынылған.
