Қазақстанда карантин кезінде интернет-алаяқтық дерегі еселеп өсіп, қылмыскерлер 1 миллиардтан аса теңгені қолды қылған. Бұл туралы ішкі істер министрі Ерлан Тұрғымбаев мәлімдеді, - деп хабарлайды Tengrinews.kz тілшісі.
Оның айтуынша, карантин кезінде қашықтан сатып алудың, онлайн қызметтердің саны артқан.
"Интернет-алаяқтық дерегі еселеп өсті. Жақында Алматы қаласында интернет алаяқтығын жасағап топ ұсталды. Қылмыскерлер айналымға жалған криптовалютаны енгізіп, 1 миллиард теңгеден аса қаражат иеленген. Шамамен 800 адамның ақшасын иеленген. Осыған байланысты тұрғындарды электрон төлем жасаған кезде сақ болуға шақырамын", - деді ол халық алдында есеп беру кездесуінде.
