2016 жылғы қаңтар-қазан айларында Семей қаласының өнеркәсіптік кәсіпорындары (шағын, қосалқы кәсіпорындарды және есеп айырысу топтарын қосқанда) қолданыстағы бағалармен 117291,1 млн. теңгенің тауарлық өнімін өндірді. Өнімнің үлес салмағы облыстық өнеркәсіп өндірісі көлемiнде 9,9%-ды құрады.
Кен өндіру өнеркәсiбi және карьерлерді қазуда 2016 жылғы қаңтар-қазанында 15417,1 млн. теңгенің өнімі өндірілді, бұл 2015 жылдың сәйкес кезеңіне қарағанда 9,4%-ға аз.
Өңдеу өнеркәсібінде 2016 жылғы қаңтар-қазанында 85740,9 млн. теңгенің өнімі өндірілді, бұл 2015 жылдың сәйкес кезеңіне қарағанда 14,3%-ға төмен. Өңдеу өнеркәсібі өндіріс көлемінің 34,8%-ы – «металлургия өнеркәсібіне», 22,0%-ы – «тамақ өнімдерін өндіруге», 13,1%-ы – «өзге металл емес минералдық өнімдерді өндіруге», 12,7%-ы – «машина жасауға» келді.
Электрмен жабдықтау, газ, бу беру және ауа баптауда 2016 жылғы қаңтар-қазанында шығарылған өнімнің көлемі 14465,2 млн. теңгені құрады, нақты көлем индексі 2015 жылдың сәйкес деңгейіне 111,6%-ды құрады. Электр энергиясын өндіруі 21,3%-ға өсті, жылу энергиясын өндіруі өткен жылдың деңгейінде қалыптасты.
Сумен жабдықтау, кәріз жүйесі, қалдықтардың жиналуын және таратылуын бақылауда 2016 жылдың қаңтар-қазанында шығарылған өнімнің көлемі 1667,9 млн. теңгені, нақты көлем индексі 2015 жылдың сәйкес деңгейіне 91,6%-ды құрады.
